Платон Алексеевич Ойуунускай 130 сылыгар аналлаах «Мин Ойуунускайым» өрөспүүбүлүкэтээҕи видеоролик куонкуруһа саҕаланна.
Тэрийэн ыыттаачылар: Таатта улууhун үөрэҕириитин салалтата, Н.Е. Мординов – Амма Аччыгыйа аатынан “Кэскил” оҕо бэчээтин кыһата. Куонкурус кэтэхтэн икки бөлөҕүнэн ыытыллар: оскуола үөрэнээччилэрэ (5-6, 7-8, 9-11 кылаастар); саха тылын уонна литературатын учууталлара.
Оҕолор П.А. Ойуунускай олоҕун, киһи быһыытынан уратытын, айар үлэтин, айымньыларын туһунан кэпсиир, көрдөрөр 2-3 мүн. видеону устан ыыталлар.
Учууталлар П.А. Ойуунускайы саха тылын уонна литературатын уруогар үөрэтиигэ анаммыт ааптарскай үлэлэринэн кытталлар.
Үлэлэргитин электроннай аадырыска толору ааккытын-суолгутун ыйан туран бэс ыйын 5 күнүгэр диэри keskilpress@mail.ru күүтэбит. Сиhилии билсэр төл. 89627301222.
Кыайыылаахтары наҕараадалааһын П.А. Ойуунускай 130 сылыгар аналлаах тэрээһиҥҥэ Чөркөөх сэлиэнньэтигэр П.А. Ойуунускай төрөөбүт Муҥха Дэлбэрийбит алааhыгарбэс ыйын 10-11 күннэригэр ыытыллар. Кыайыылаах оҕолор «Сосновый бор» оҕо сынньалаҥ уонна доруобуйатын киинигэр Н.Е.Мординов – Амма Аччыгыйа аатынан «Кэскил» оҕо бэчээтин кыhата тэрийэн ыытар анал сменатыгар босхо путевканан наҕараадаланаллар.
Куонкурус туһунан сиһилии https://uuotatta.obr.sakha.gov.ru/news/front/view/id/3169892