Өрөспүүбүлүкэтээҕи «Төрүччү» куонкурус кыттыылааҕа — В.П. Ларионов аатынан Майа орто оскуолатын V «в» кылааһын үөрэнээччитэ Костя Лепчиков.
Үлэ тоҕооһо: хас биирдии оҕо кимтэн кииннээҕин кыра сааһыттан билэн-көрөн улаатара туһалаах.
Үлэ сыала: төрүччүбүн үөрэтии, хантан үөскээбиппин билии.
Үлэ сүрүн чааһа:
II Тыыллыматтан төрүттээх Лепчиковтар уустара урут Көлөкөт ууһуттан тахсыбыт, онтон Лепчиков Иван диэн киһи төрөөбүт. Кини икки уоллаах: Филипп Иванович уонна Федор Иванович Лепчиковтар. Аҕалара өлөрүгэр уолаттарыгар иккилии сүөһүнү хаалларбыт. Федор бу ынахтарын ииппит, сүөһүлэнэн-астанан ыал буолбут, 3 уолламмыт: Андрей, Михаил, Петр. Онтон Филипп икки ынаҕын атыылаан харчы оҥорбут уонна Алдаҥҥа барбыт. Онно тиийэн биир тоҥус оҕонньоругар олорбут. Бу оҕонньорун хаартылаан куруук кыайар эбит, ол иһин оҕонньор кинини туһанан, биир наар кыайтарар тоҥуьун, Филипка харчы биэрэн сүүйэн ылбыыттар. Бу сүүйбүт харчытын оҕонньор Филипка биэрбит, онтун илдьэ кини дойдутугар кэлбит уонна ол харчытын эргитэн элбэтэн сүрдээҕин байбыт. Улууһугар өр сылларга кулубалаан олорбут. Филипп икки уолламмыт: Прокопий уонна Афанасий.
keskil14.ru