Мин аҕам Ян Павлович Филиппов Ньурба улууһун Чаппанда нэһилиэгиттэн төрүттээх. Горнай улууһун Мытаах нэһилиэгэр ыал буолан, олохсуйан, нэһилиэккэ спортивнай инструкторынан үлэлиир.
Аҕам элбэх саҥалаах, кэпсээннээх, сытыы-хотуу, аһаҕас, сүрдээх үлэһит, эппит тылыгар турар киһи.
Кырабыттан бэйэтин кытта илдьэ сылдьан дьиэ таһынааҕы үлэҕэ, оттуу, бултуу, балыктыы барарыгар батыһыннара сылдьан үөрэтэр, көрдөрөр.
Аҕам спорт көрүҥүн сэҥээрэр буолан миигин спортка сыһыаран, көҥул тустуунан дьарыктанабын.
Мин аҕабын олус убаастыыбын, таптыыбын. Аҕам биһиги дьиэ кэргэҥҥэ тутаах киһибит буолар.
Аҕалар күннэринэн тапталлаах аҕабар эҕэрдэ!
Степан Филиппов, Дьиикимдэ орто оскуолатын 6 кылаас үөрэнээччитэ, Горнай.