Саха Өрөспүүбүлүкэтин бастакы Бэрэсидьиэнэ Михаил Ефимович Николаев 85 сааһын көрсө Национальнай библиотека «Билиигинэн кыайыаҥ» диэн медиа-уруок бэлэмнээн улуус библиотекаларыгар ыыппытын, поэт И.Е. Иванов-Ороһуунускай аатынан Ороһутааҕы модельнай библиотека сэбиэдиссэйэ Жанна Семёновна Иванова көрдөрдө.
Михаил Ефимович республика оҕолоругар туһаайан 5 бырайыактааҕын («Музыка барыбытыгар», «Бары уруһуйдуубут», «Успуорт», «Тылы үөрэтэбит», «Саахымат») ыытааччы Аина Прибылых хас биирдии бырайыакка тустаах үлэһиттэри ыҥыран кэпсэттэрбит. Ол курдук, Ольга Харайбатова, Александр Харитонов, Леонид Спиридонов, Василий Павлов, Вячеслав Гаврильев видеоуруоктары ыыппыттар.
Медиа-уруокка сылдьыбыт оҕолортон Алина Тарасова өрөспүүбүлүкэҕэ ыытыллар уруһуй, Ангелина Петрова «Тулуйхан» ансаамбылга, «Брилиантовые нотки» ырыа, Сандаара Руфова саахымат күрэҕэр кыттан бириистээх миэстэҕэ тиксэллэрин үөрэ-көтө үллэһиннилэр.
М.Е. Николаев бырайыактара саха оҕото сайдарыгар олус туһалаахтар уонна инникилээхтэр диэн оҕолор бэлиэтээтилэр.
Сайаана Колосова, Юлия Кондакова Ороһу оскуолатын 6 кылааһын үөрэнээччилэрэ,
«Тымтык» эдкорпост.