Мин биир дойдулааҕым Тимофей Егорович Сметанин «Мэхээлэчээн булчут» сэһэнэ – саха литературатын биир чаҕылхай айымньыта. Бу сэһэн Кэбээйилэр уратыбытын, айылҕаҕа чугаспытын көрдөрөр.
Мэхээлэчээни кытта биһиги кыра сылдьан, уһуйааҥҥа сылдьан билсибиппит. Оттон улаатан баран, бэһис кылааска сэһэни ааҕа олорон, Мэхээлэчээни кытта бииргэ айылҕаҕа сылдьар курдук санаа үөскүүр. Кини бултуура, айылҕаны кытта алтыһыыта, олоххо сыһыана – барыта кэрэхсэбиллээх. Айымньыны ааҕар киһи саха сирин тыйыс айылҕатын, булчуттар олохторун чугастык билэр.
Мэхээлэчээн кыылга-сүөлгэ харыстабыллаахтык сыһыаннар, айылҕатын кытта алтыһар, ис сүрэҕиттэн таптыыр.
Уол оҕо киниттэн элбэххэ үөрэнэр: төрөөбүт дойдуну харыстыырга, булчут үрдүк аатын сүгэргэ, кыраҕа кыһамньылаах, тулуурдаах уонна дьулуурдаах буоларга холобур буолар.
Айымньы кэнниттэн бэйэм саастыы оҕолорго сүбэм диэн: ойуурга ыһыытаама-хаһыытаама, чуумпутук сылдьыахтааххын, оту-маһы алдьатыма,Байанайы аһата сырыт,сиэри таһынан бултаныллыбат, кыра кыылы-сүөлү харыстаа, кыраны да бултуйдаххына үөрэҕин, бултуйдаххына эһэкээҥҥин аһатаргын умнума.
Түмүкпэр, «Мэхээлэчээн булчут кэспсээннэрэ» сэһэни саха литературатын сэҥээрээччилэргэ эрэ буолбакка, айылҕаны таптыыр дьоҥҥо ааҕаргытыгар сүбэлиибин.
Дуолан Павлов, 9 кылаас
“Дьоҕур” медиакиин, Кэбээйи орто оскуолата