Аан дойдутааҕы оскуола бибилэтиэкэтин күнүн көрсө алтынньы 24 күнүгэр “Мичээр” медиа-киин юнкордара алын кылаас үөрэнээччилэрин кытта көрүстүбүт. Биһиги Тимофей Сметанин, Яков Стручков суруйбут “Мэхээлэчээн булчут кэпсээннэрэ” диэн айымньыларын ааҕан баран, алын кылааска үөрэнэр оҕолорго ис хоһоонун кэпсээн биэрдибит.
Ону таһынан, буойун-суруйааччы Тимофей Егорович Сметанин олоҕун, айар үлэтин туһунан сырдаттыбыт.
Оҕолор кэпсэтиини интэриэһиргээн, сэҥээрэн иһиттилэр. Тимофей Сметанин, Яков Стручков суруйбут айымньыларынан сахалыы уус-уран киинэ тахсыаҕа диэн эппиппитигэр оҕолор олус үөрдүлэр.
Бу курдук тэрээһиннэр оҕолорго саха литературатын таптыырга, төрөөбүт тылынан холкутук кэпсэтэргэ, элбэх кинигэни ааҕарга угуйаллар дии саныыбын. “Мэхээлэчээн булчут кэпсээннэрин” ааҕан бүтэн бараммыт, аны Хайахсыппыт киинэ тыйаатырыгар киинэ буолан кэлэрин күүтэбит.
Лилия МАРКОВА, IX кылаас,
А.П. Илларионов аатынан Хайахсыт орто оскуолата, Чурапчы