«Хайа хааһын анныгар» кэпсээни сөбулээтим
«Мэхээлэчээн булчут кэпсээннэриттэн» «Хайа хааһын анныгар» кэпсээни сөбулээтим, тоҕо диэтэххэ булчут хорсуннук,куттаммакка барытын сөпкө тургэнник туттан, тыыннаах хаалар. Ол олус учугэй! Бу кэпсээн биһигини ыксаабакка барытын сөпкө туттан оңордохпутуна барыта үчүгэй буолуо, табыллан иһиэ диэн үөрэтэр. Саха сирин тыйыс айылҕатыгар олорор дьоҥҥо, биллэн турар барытыгар бэлэм сылдьарбыт ирдэнэр буоллаҕа. Биһиги төрүттэрбит былыргыттан бу күҥҥэ диэри, айылҕаҕа сылдьан бултаан үлэлээн-хамсаан дьон буолбуттарын туоһулуур кэпсээн.
Мичийээнэ ИВАНОВА
Дьонуҥ үөрэллэрэ саамай күндү
«Этэрбэс чааркаан буолбуттаах» бу кэпсээни ааҕан баран маннык санааҕа кэллим.
Олоххо араас түгэн баар буоларын бу кэпсээн туоһулуур. Айылҕаҕа сылдьан бултуур -алтыыр, сир астыыр, оттуур дьон ордук булугас өйдөөх, мындыр толкуйдаах буолаллар дии саныыбын. Саха киһитэ былыргыттан айылҕаны кытта алтыһан олордоҕо, ол эрэн билигин арыый тэйэн умна быһыытыйбыппыт хомолтолоох. Биирдэ эмэ дьоммун кытта балыктыы, сир астыы бардахпына үчүгэй баҕайы. Күммүт биллибэккэ олус интириэһинэйдик ааһар, биллэн турар сылаалаах ол эрэн бултаах-астаах кэллэххинэ дьонуҥ үөрэллэрэ саамай күндү түгэн.
Роман ПРОКОПЬЕВ
Сатабыллаах саһыл саҕалаах
Тимофей Сметанин «Мэхээлэчээн булчут кэпсээннэрэ» ааҕан баран ураҕас сааны солбуйбутун туһунан кэпсээни сөбүлээтим. Кэпсээн кылгас буолан баран, дириҥ ис хоһоонноох. Доҕордуу сыһыаны, оҕолор айылҕаны кытта алтыһыылара көстөр. Саха оҕото бултка кыратыттан сыһыаннааҕын көстөр. Кустары уһуннук манаһан бултууллара кэпсэнэр, ол тулуурдаах буоларга, дьаныардаах буолууну кэпсиир. Ол курдук сааны ураҕас мас солбуйуон сөп эбит. Сатабыллаах саһыл саҕалаах диэн бу буоллаҕа.
Настя БОТУЕВА
Саха оҕото булугас өйдөөх
Куһу ураҕаһынан да бултуурбут диэн кэпсээни сөбүлээн аахтым. Бу кэпсээҥҥэ айылҕаҕа сылдьыы, саата суох куһу да бултуохха сөп эбит диэн көрдөрөр кэпсээн. Куһу ураҕаһынан охсон, икки кустанан, бултуйан үөрүү саҕа үөрэр. Атаһа биир куһу бэриһиннэрэн эмиэ бултуйбут киһи быһыытынан, үөһэ тыынан ылар. Мэхээлэчээн оҕо эрдэҕиттэн айылҕаҕа, бултка сыстаҕаһа көстөр. Атас-доҕор сыһыана эмиэ көстөр. Кини кустуу сылдьан куһу охсоору табаарыһын атаҕын саайар. Уол олус күүскэ ытыыр, дьиэтигэр бараары гынар. Дьоммор үҥсэн биэриэ диэн уонна табаарыһын аһынан икки кустааҕыттан биирин табаарыһыгар биэрэр. Мэхээлэчээн уобараһынан саха оҕото булугас өйдөөх, хорсун уонна холку майгылаах буоларын көрдөрөр, иитэр-үөрэтэр.
Дима ФЕДОРОВ
Г.И. Чиряев аатынан Бүлүү куорат 1№-дээх орто оскуолатын
VII «Б» кылааһын үөрэнээччилэрэ