Сахалар «Өтөх төҥүргэстээх, оһох буруолаах» диэн өс хоһоонноохтор. Оҕо – ыал баайа. Элбэх оҕолоох ыал оһоҕун буруота суон, үгүс харчы баайдааҕар, элбэх сүөһүлээҕэр оҕолоох киһи тыына уһун, кыахтаах.
Тиэлигигэ 9 Герой ийэ баар:
- Потапова Анисия Титовна – бастыҥ ыанньыксыт. Кэргэнэ Васильев Петр Сергеевич – Аҕа дойду улуу сэриитин кыттыылааҕа. 12 икки оҕоломмуттара, бары үлэһит буолан улууспут, өрөспүүбүлүкэбит араас муннуктарыгар үлэлии сылдьаллар.
- Ильина Аграфена Макаровна – оҕо саадыгар үлэлээбит. Кэргэнэ Ильин Василий Николаевич – сэрии кыттыылааҕа, 10 оҕоломмуттара, бары орто уонна үрдүк үөрэхтээхтэр, улууска, өрөспүүбүлүкэҕэ биллэр-көстөр үлэһиттэр.
- Захарова Екатерина Семеновна – оҕо саадыгар, оскуолаҕа үлэлээбитэ. Кэргэнэ Захаров Филипп Петрович сэрии кыттыылааҕа. 10 оҕолоохтор. Бары удьуор ырыаһыт талааннаахтар.
- Дмитриева Анфиса Петровна өр сыл оскуолаҕа үлэлээбитэ. Кэргэнэ Исаков Крет Гаврильевич, улууска, өрөспүүбүлүкэҕэ киэҥник биллибит ыанньыксыт. 10 оҕолоро орто анал, үрдүк үөрэхтээхтэр, кэрэхсинэр үлэһиттэр. Анфиса Петровна оскуола, нэһилиэк үлэтигэр барытыгар активнайдык кыттара, оҕону иитиигэ улахан болҕомтотун, кыһамньытын уурара. Ону учуоттаан төрөппүт оҕолоро ийэлэрин аатынан стипендия олохтообуттара.
- Трофимова Татьяна Семеновна кэргэннинээн Кириллин Власий Власьевичтыын кыайыгас-хотугас үлэһиттэринэн биллэллэрэ. Уон оҕоломмуттара. Оҕолоро төрөппүттэрин удьуордаан дьон хайҕалын ылар үлэһиттэр.
- Гаврильева Анна Яковлевна өр сыл ыанньыксыттаан «Бастыҥ кылаастаах маастар» аатын ылбыта. Кэргэнэ Гаврильев Николай Семенович холкуос, совхоз чулуу үлэһитэ. 12 оҕоломмуттара. Бары үлэһит дьон.
- Шестакова Елизавета Егоровна ветсанитар идэлээх. Кэргэнэ Игнатьев Михаил Дмитриевич. Иккиэн үйэлэрин тухары совхозка, холкуоска сүөһү көрүүтүгэр үтүө суобастаахтык үлэлээбиттэрэ. 10 оҕолоохтор. Бары оҕолоро төһүү үлэһиттэр.
- Васильева Дарья Егоровна ветсанитар идэлээх. Кэргэнэ Васильев Петр Гаврильевич нэһилиэк төһүү үлэһитэ этэ. Дуобакка, саахымакка үчүгэйдик оонньуура, үгүс күрэхтээһиилр кыайылаахтара. 10 оҕолоохтор.
- Оконешникова Татьяна Петровна. Кэргэнэ Оконешников Николай Николаевич. 15 оҕоломмуттара. Аҕаларын удьуордаан оҕолор бары уран тарбахтаахтар, мындыр уустар, кэрэхсэнэр уруһуйдьуттар. Элбэх быыстапкалар дипломаннара, лауреаттара.
Наташа Александрова, VIII кылаас, А.А. Пахомов аатынан Тиэлиги орто оскуолата