Олунньу 19 күнүгэр Мэҥэ-Хаҥалас улууһун Хара нэһилиэгэр Василий Егоров аатынан «Чыпчаал» спортивнай киинигэр улуустааҕы үөрэҕирии салалтата уонна Харатааҕы «Кэрэчээн» уһуйаан тэрийиитинэн, үгэскэ кубулуйбут алтыс төгүлун ыытыллар оскуолаҕа киириэн иннинээҕи саастаах оҕолорго улуустааҕы «Будущие защитники-2026» строевой хамыы уонна ырыа күрэҕэ буолан ааста.
Мэҥэ-Хаҥаласка оскуола иниинээҕи үөрэҕирии 100 сылыгар уонна Ийэ дойдуну көмүскээччилэрин күнүгэр ананна.
Күрэх сүрүн сыала — оҕоҕо төрөөбүт дойдутугар бэриниилээх буоларыгар сыһыаны иитии, хамаанданан үлэлииргэ сатабыл, эти-сиини эрчийии.
Күрэххэ уопсайа улуус кустовой методическай холбоһук кыайыылаахтарыттан аҕыс хамаанда талыллан кытыыыны ыллылар: Павловскай “Мичээр”, Төҥүлү «Олимпионик», Табаҕа «Кэскил», Майатааҕы «Чуораанчык», Тыыллыма «Күнчээн», Матта «Ньургуһун», Харатааҕы “Кэрэчээн”, Аллараа Бэстээх “Солнышко”.
Дьүүллүүр сүбэнэн үлэлээтилэр:
1. Мэҥэ-Хаҥалас үөрэҕириитин иитии уонна эбии үөрэхтээһин отделын сүрүннүүр специалиһа Милан Михайлович Илларионов.
2. Мэҥэ-Хаҥалас уопсай үөрэхтээһин отделын сүрүннүүр специалиһа Альбина Романовна Захарова.
3. Анал байыаннай дьайыы ветерана Петр Петрович Парников.
4. Мэҥэ-Хаҥалас улууһун Хара, Ходоро, Тыыллыма, Догдоҥо нэһилиэктэрин участковайа Дмитрий Юристанович Слепцов.
Түмүккэ бастакы миэстэни ылла Майатааҕы «Чуораанчык», иккис миэстэ Тыыллыматааҕы «Күнчээн», үһүс Аллараа Бэстээх «Солнышко» детсад хамаандалара.
Кыттааччылар бары сертификат, грамота, мэтээл, көһөр кубок ылан үөрэн тарҕастылар.
“Бастыҥ хамандыыр” анал аат иҥэрилиннэ — Сарыал Гоголевка Табаҕа “Кэскил” детсад хамандыырыгар.
“Бастыҥ ырыа” анал аат — Харатааҕы “Кэрэчээн” детсад хамаандата.
“Бастыҥ параднай форма” анал аат — Маттатааҕы “Ньургуһун” детсад хамаандата.
Күрэххэ кэлэн кыттыбыт хамаандаларга уонна иитээччилэригэр махталбытын тиэрдэбит, инникитин да кэлэҥҥин көхтөөх кыттыыны ыларгытыгар баҕарабыт.
keskil14.ru