Быйыл оскуолабыт 70 сыллаах үбүлүөйүн бэлиэтиир. Бу сэттэ уон сыл устата оскуолабыт элбэх ситиһиилэри даҕаны, сороҕор моһоллору даҕаны көрсөн кэллэ. “Оскуоланы сайыннарыы — инникигэ олук ууруу” диэн мээнэҕэ эппэттэр… Биһиги оскуолабыт бэйэтэ туспа иистээх-суоллаах оскуола буолар. Кабинетнай систиэмэни күүскэ киллэрэн, норуот педагогикатынан үөрэтэр-иитэр ис хоһоонноох мусуойу арыйан, экономическай үөрэхтээһининэн саҥа сүүрээннэри киллэрэн, социальнай партнердары, төрөппүттэри ыкса чугаһатан, биир сомоҕо буолар араас өрүттээх үлэни ыытан кэллэ.
Оҕолорбут биир кэлим эксээмэҥҥэ уонна предметнэй олимпиадаларга билиилэрин түмүгэ үчүгэй. Онно үгүс сыралаах үлэни ыыталлар биһиги киэн туттар учууталларбыт: нуучча тылыгар үрдүк баалы ылары ситиһэр учууталлар Е.Д.Санникова, В.П.Иванова, математик К.К.Захарова, биолог-химик О.А.Афанасьева, физик А.Н.Сергучева, географ Н.Е.Плотников, технологтар Г.Е.Неустроева, Е.М.Баишев, информатик Г.Н.Апросимова уо.д.а.
Оҕолор чиҥ билиини ылалларыгар акылаат уураллар баай опыттаах алын сүһүөх учууталлара А.М.Сергучева, М.Д.Яковлева, Н.Г.Дмитриева. Опыттаах учууталлартан холобур ылаллар эдэр кэллиэгэлэрбит Е.В. Дмитриева, Ф.В.Мордискина, И.Н.Плюк, Т.Е.Игнатьева уо.д.а. Төрөппүтү кытта ситимнээх үлэни ыытар улууска биир баай опыттаах соцпедагогпут Е.В.Неустроева.
Оҕолорбут үчүгэйдик үөрэнэллэригэр усулуобуйа оҥороллор минньигэс астаах пуобардарбыт А.И.Потапова, П.А.Варламова, оскуола ырааһыгар кыһаллар М.С.Неустроева, П.П.Баянакова, А.С.Неустроева, М.Е. Аргунова, харабыллар И.Д.Сергучев, П.В.Готовцев, вахтер В.К.Андреева, оробуочайдар В.Ю. Семенов, А.П.Баянаков. Оскуола материальнай-техническай базата сайдарыгар кыһаллаллар завхоз В.Э.Егоров, уопуттаах бухгалтер Т.С.Афанасьева. Кэллэктиип интэриэһин көмүскүүр А.П.Емельянова салайааччылаах профсоюз кэмитиэтэ.
Дириэктэри иитэр үлэҕэ солбуйааччы Е.Н.Попова
“Бэдьимэ кэскилэ” оҕо тэрилтэтэ
“Бэдьимэ кэскилэ” оҕо тэрилтэтэ улууспут сайдыытын бырагырааматыгар олоҕуран араас хайысхалаах үлэни ыытар. Билигин “Ааҕыы-сайдыы төрдө”диэн бырайыагы олоххо киллэрэ сылдьабыт. Библиотекарь А.А.Попованы кытта сурутууга күүскэ үлэлиибит. 100% ситиһэн “Кэскил”оҕо бэчээтин кыһатын “Бэргэн” оҕо пресс-агенствотын “Бастыҥ сурутуулаах пост” аатын ылбыппыт. Нэһилиэкпит кырдьаҕастарыгар мас хайытан, муус ылан мэлдьи көмөлөһебүт. Үгэс буолбут “Отон” ааксыйабытынан бэтэрээннэрбитигэр биирдии биэдэрэ отону бэлэх уунабыт.
Вася Атласов, оскуола лидерэ, X кылаас
“Дьулурҕан” спортивнай кулууп
Оскуолабытыгар “Дьулурҕан” спортивнай кулууп сахалыы төрүт көрүҥнэри сайыннарар. Мас тардыһыытыгар Д.П.Сергучев дьарыктыыр, атын оонньууларга — С.Э.Яковлева.
Биһиги хабылыгынан, хаамысканан хаһыс да сылын дьарыктанабыт, элбэх күрэхтэһиилэргэ кыттан сайдабыт. Дьарыктанар оҕо элбээн иһэр.
Артем Сергучев, VIII кылаас
