Ийэ тыл уонна сурук-ичик күнүгэр М.П Прокопьев аатынан Тумул орто оскуолатын оскуолаҕа киириэн иннинээҕи саастаах «Тумулчаана» оҕолор группаларын кырачааннара Кэскил Прудецкай «Мас-игра» https://masigra.ru/ оонньуурдарын бэлэх туттулар.
Бу дьоһун бэлэҕи Елена Петровна Аммосова ветеран учуутал, биир дойдулаахпыт Таьяна Петровна Ильина көҕүлээһининэн, араас сыллааҕы выпускниктарбыт оҥордулар.
Мас саха дьонугар ордук чугас. Онон хампаанньа оҥорон таһаарар оонньууларын оҕо ордук чугастык ылынар. Илиитинэн тутан-хабан оонньуура ордук өйдөнүмтүө.
Бу иннинэ оҕолорбут «Мас-игра» туһунан «Чуораанчык» сурунаалга бэчээттэммитин көрөр эбит буоллахтарына, билигин ону барытын илиилэринэн тутан-хабан оонньуур кыахтаннылар.
Лидия БАРАШКОВА, М.П Прокопьев аатынан Тумул орто оскуолатын оскуолаҕа киириэн иннинээҕи саастаах «Тумулчаана» оҕолор группаларын методиһа, Уус Алдан.