Олунньу 21 күнүгэр Малдьаҕар орто оскуолатыгар Арассыыйаҕа Аҕа дойдуну көмүскээччи сылыгар, Саха сиригэр Ийэ дойдуну көмүскээччи сылыгар, Семен Николаевич Донской-II 130 сылыгар аналлаах улуустааҕы педагог эр дьон форума сэттис төгүлүн ыытылынна.
Форумҥа Ньурба улууһун араас нэһилиэгиттэн кыттыыны ыллылар. Барыта 39 педагог эр дьон муһунна.
Тэрээһин үөрүүлээх чааһын кэнниттэн аһаҕас микрофоҥҥа учууталлар бэйэлэрин үлэлэрин, санааларын эттилэр, оҕону дойдунаат тыыныгар иитээһин тула кэпсэтиини ыыттылар.
Анатолий Николаевич Петров, 37 сыл педстажтаах Ньурба элбэх хайысхалаах гимназиятын физкультура учуутала, эти-хааны сайыннарарга араас ньымалары, маастар-кылаастары көрдөрдө. Маны тэҥэ ыалдьыттары бырааттыы Донскойдар музейдарыгар сырытыннаран, экскурсовод оҕолор үгүһү кэпсээтилэр.
Аһаҕас кэпсэтии кэннэ байыаннай-патриотическай күрэх ыытылынна. Манна ох саанан ытыыга, автомат хомуйуутугар уо.д.а. көрүҥнэргэ учууталлар көхтөөх кыттыыны ыллылар.
Сиһилии видеороликка көрүҥ:
Артем Петров, 6 кылаас, Коля Степанов 9 кылаас үөрэнээччилэрэ,
«Мальж-News» юнкордара.
keskil14.ru