Олунньу 19 күнүттэн Ньурба улууһугар Саха Өрөспүүбүлүкэтин Ситэриилээх былааһын сыллааҕы отчуота саҕаланна. Делегацияны СӨ Бырабыыталыстыбатын Бэрэссэдээтэлин солбуйааччыта Георгий Михайлович Степанов салайар. Бэҕэһээ, олунньу 20 күнүгэр, отчуоттуур бөлөх Малдьаҕар нэһилиэгэр сырытта. Манна олохтоохтор нэһилиэккэ турар сытыы боппуруостары туруорустулар.
Ол курдук, олохтоохтору сүөһү иитиитэ аҕыйаабыта, «Сунтаар-Ньурба» уот линията оҥоһуллара долгутар. Чуукаар-Малдьаҕар айан муостата 2025-2027 сылларга оноһуллара былааҥҥа турарын туһунан иһитиннэрдилэр.
Ил Түмэн сир сыһыаннаһыыларыгар, айылҕа баайыгар уонна экологияҕа сис кэмитиэтин бэрэссэдээтэлэ Владимир Прокопьев: «Сытыы боппуруостар Ньурбаҕа сүрдээх элбэхтэр, онтон биһиги төһө кыалларынан быһаара сатыыбыт, маннык делегациянан сылдьан олохтоохтору кытары көрсөр ханнык да субъекка суох, 3-4 хонугунан Бырабыыталыстыба отчуота Ньурба улууһугар бүтүөхтээх», — диэн эттэ.
Биһиги биллэр спорсментан, Ил Түмэн депутатыттан Георгий Балакшинтан «Азия оҕолоро» сайыҥҥы спортивнай оонньуулар тустарынан ыйыталыстыбыт:
— «Азия оҕолоро» 8-с төгүлүн ыытыллар норуоттар икки ардыларынааҕы спортивнай оонньууларга күүстээх бэлэмнэнии бара турар. Барыта 24 көрүҥҥэ 224 мэтээл комплега оонньонор, хамаандалар бэлэмнэнэ сылдьаллар. Ньурба улууһуттан бу оонньууларга претенденнэр бааллар, сотору кэминэн кимнээх талыллыбыттара биллиэхтэрэ, — диэн иһитиннэрдэ.
Никита Самсонов, 9 кыл., Эльдар Петров, 9 кыл., «МальжNews» медиакиин юнкордара.