Биһиги бүгүн оскуолабыт кыһыҥҥы теплицатыгар тюльпаннары көрө тахса сырыттыбыт. Манна үлэлии сылдьар маастары кытта кэпсэттибит.
Производственнай үлэ маастара Павлова Анна Анатольевна маннык кэпсээтэ:
«Быйыл кулун тутар ыйга ситтин диэн, алтынньы 26 күнүгэр 80 тюльпаны олордубуппут. Тюльпан үс ыйынан тахсар. Ол курдук Голден Оксфорд, Ширли, Сиеста, Оксфорд, Баня-Лука, Рашн Принцесс, Хемисфир, Сильвер Доллар, Хакун диэн сортары олортубут. Бары араас өҥнөөхтөр. Тюльпан сөрүүнү сөбүлүүр эбит, ол иһин түннүк таһыгар турар. Үчүгэйдик көрөн-истэн, уу кутуохха, кэмигэр аһатыахха наада».
Биһиги тюльпаннары кытта хаартыскаҕа түстүбүт. Өссө элбэх тюльпан үүннэҕинэ, олус кэрэ көстүү буолуоҕа.
Васильева Күннэй, Григорьева Дарианна,
М.Е. Васильева аатынан 2 Малдьаҕар орто оскуолатын 7 кылааһын
үөрэнээччилэрэ