Бары билэрбит курдук, быйыл Улуу Кыайыы 80 сылын бэлиэтиибит. Ону таһынан, бу сыл Арассыыйаҕа Аҕа дойдуну көмүскээччи, оттон Саха Сиригэр Ийэ дойдуну көмүскээччи сылларынан биллэриллибитэ. Онон хас биирдии улууска, сэлиэнньэҕэ бу бэлиэ күннэргэ элбэх тэрээһиннэр, бырайыактар ыытыллаары тураллар.
Ол курдук, муус устар 22 күнүгэр биһиги нэһилиэкпит баһылыгын солбуйааччытын Евдокия Саввична Решетникованы кытта көрүстүбүт уонна Кыайыыга сыһыаннаах ыйытыктары биэрдибит, инники былааннары, бу күнү көрсөргө туох үлэлэр бара туралларын, биһиги нэһилиэкпитигэр хас сэрии оҕото баарын туоһуластыбыт, кэпсэттибит.
Евдокия Саввична чуолаан «Сүрэхтэн сүрэххэ» диэн бырайыак туһунан сиһилии кэпсээтэ. Бу бырайыак СӨ социальнай көмүскэлгэ уонна үлэлээх буолууга Министерствотын гранын сүүйэн тэриллэн ыытыллар. Мэҥэ Хаҥалас улууһугар уопсайа 465 сэрии оҕолоро уонна 84 тыыл бэтэрээннэрэ баалларын, кинилэргэ анаан араас хабааннаах тэрээһиннэр, кинилэри үйэтитэр үлэлэр ыытыллалларын, махтанар бэлэхтэр туттарыллыбыттарын туһунан сырдатта.
Сиһилии бу кэпсэтии, бырайыак туһунан видео-матырыйаалга көрүҥ:
Ыраас халлаан, эйэлээх олох иһин турууласпыт ытык дьоммут туһунан умнуо суохтаахпыт, кинилэри бэлиэ эрэ күннэргэ буолбакка, күн аайы саныы-махтана сылдьыахтаахпыт. Кинилэр оҥорбут үтүө быһыылара — үйэттэн үйэҕэ бэриллэ сылдьар үтүө өйдөбүл, хас биирдии ыччакка холобур буолуохтаах.
Сандаара Тихонова, 10 кылаас,
Видеоҕа уһулла Сандаара Скрябина, 10 кылаас,
В.П. Ларионов аатынан Майа орто оскуолата, Мэҥэ Хаҥалас