И.Г. Тимофеев аатынан Майа лиссиэйигэр «Большие вызовы» научнай-технологическай бырайыактар Бүтүн Россиятааҕы куонкурстарын туһунан вебинар буолбута. Манна биһиги үөрэнээччилэрбит уонна учууталлар көхтөөх кыттыыны ылбыппыт. «Большие вызовы» куонкурус туһунан элбэҕи билбиппит, хайдах регистрация барарга, презентация оҥорорго, ханнык ирдэбиллэринэн сыаналыылларын истибиппит.
Бу күрэххэ Майа лиссиэйиттэн Борисов Сережа уонна мин кыттыахтаахпыт. Биһиги «Инникигэ хардыы-professor V.P.Larionov «A step into the future» science fair» диэн научнай-практическай конференцияҕа дакылаат ааҕан бу күрэххэ кыттар рекомендация ылбыппыт.
Салайааччым Копырина Иванна Ивановна, физика учуутала, научнай салайааччым Васильева Алина Анатольевна, М.К.Аммосов аатынан ХИФУ аналитическай уонна физическай химия кафедратын доцена. Кыттааччыларга барыларыгар ситиһиини баҕарабын!
Ааптар: Петров Алексей, И.Г.Тимофеев аатынан Майа лиссиэйин 9 кылааһын үөрэнээччитэ