Мин бастакы учууталым Татьяна Петровна Афанасьева. Ааҕарга, суруйарга кини үөрэппитэ.
Махтанабын эйиэхэ учууталым!
Кыра кылааска сылдьан араас куонкурустарга кыттааччыбын, билигин даҕаны кыттабын. Билигин мин 6-с кылааска үөрэнэбин. Сөбүлүүр уруогум математика. Бу уруогу интэриэһиргиибин аҕай. Учуутал быһаарарын өйдүүбүн, кэпсиибин.
Математикаҕа Ася Семёновна үчүгэйдик үөрэтэр. Саҥа темалары быһааран биэрэр уонна эрчиллиилэри толорорбун сөбүлүүбүн аҕай.
Учуутал күнэ алтынньы ыйыгар буолар, онон учууталларбын идэлээх бырааһынньыккытынан эҕэрдэлиибин!
Учууталлары барыларын убаастыыбын.
Айыына ПЕТРОВА, 6 кылаас. Үөһээ Бүлүү, Дүллүкү орто оскуолата, «Эрчим» эдкорпост.