Олунньу 17 күнүгэр Түмүк нэһилиэгэр Саха Өрөспүүбүлүкэтин ситэриилээх былааһын уорганнарын отчуота буолан ааста. Оробуочай бөлөҕү СӨ физическай култууратын уонна успуордун миниистирин бастакы солбуйааччыта Гаврил Михайлович Мохначевскай салайан илдьэ сырытта. Маҥнай нэһилиэнньэ иннигэр 2025 сыллаах үлэ отчуоттанна.
Түмүк нэһилиэгин олохтоохторо аан бастакынан туруорсар кыһалҕалаах боппуруостара — саҥа оскуола тутуута. Бу ыйытыыга Ил Түмэн Ыччат, физическэй култуура уонна успуорт дьыалаларыгар сис кэмитиэтин бэрэссэдээтэлэ Георгий Русланович Балакшин саҥа оскуола бырайыага оҥоһулларын, ол кэннэ экспертизаны аастаҕына, өрөспүүбүлүкэ инвестиционнай бырагырааматыгар киллэрэ сатыахпыт диэн иһитиннэрдэ.
Нэһилиэкпит олохтоохторун өссө туох долгутар?
- Бензин, солярка сыаната үрдээһинэ, уот тарыыба, диапазон боппуруостара турдулар;
- Чааһынай дьиэлэри центральнай ититиигэ холбонуу;
- Нэһилиэк кулууба тымныытын, аныгы ирдэбилгэ эппиэтээбэт кыһалҕатын таарыйдылар;
Нэһилиэккэ сытар федеральнай трасса асфальтааһын үлэтин хаһан саҕаланарын ыйыттылар;
Маны таһынан тыа хаһаайыстыбатын кэккэ ыйытыылара эмиэ турдулар. Ол курдук, олохтоохтор быйыл сүөһү харчыта төбөнөн бэриллэрэ дуу, үүт туттарааһынынан дуу диэн боппуруоһу ыйыттылар. Маныаха Ньурба оройуонугар төбөнөн буолбакка, үү туттарааһынынан төлөнөр диэн быһаардылар.
Дьөҥкүүдэ Эбэбит былырыын уута элбээн, маардар оттуур ходуһалара ууга баран, Маар өттүгэр мелириотивнай үлэлэр бараллара буоллар баҕа санааларын эттилэр.
Маны таһынан үөрэх үлэһиттэригэр оптимизация тыын боппуруоһун уонна учуутал хамнаһын сөптөөхтүк үрдээтээһини туруорустулар.
Отчуот түмүгүнэн ааспыт сыллааҕы Саха Өрөспүүбүлүкэтин Бырабыыталыстыбатын отчуотун үлэтин нэһилиэнньэ ылынна.
Отчуот кэнниттэн Гаврил Михайлович Мохначевскай оскуола дьиэтин көрдө-иһиттэ, оскуола үлэһиттэрин кытары көрүстэ.
Камелия Яковлева,
Маар орто оскуолатын 8 кылааһын үөрэнээччитэ, «Юла» медиа-киин эдкора.
keskil14.ru