Алтынньы 6 күнүгэр, Аан дойдутааҕы олорор сирдэри харыстыыр күн чэрчитинэн, Маар орто оскуолатын алын сүһүөҕүн үөрэнээччилэрэ Маардааҕы ветеринарнай пуунҥа сырыттылар.
Биһигини ветеринарнай пуун кылаабынай бырааһа Николай Николаевич Тимофеев уонна ветеринарнай пуун сэбиэдиссэйэ Спартак Баирович Иванов көрүстүлэр.
Көрсүһүү кэмигэр Николай Николаевич оҕолорго дьиэ сүөһүтүн харайыы уратыларын: сыл аайы ииримтийииттэн утары прививка туруруллуохтааҕын, дьиэ сүөһүтүн иитэ ыларга өйдөөн, эппиэтинэстээхтик иитэр наадатын кэпсээтэ.
«Мин икки куоскалаахпын. Куосканы хайдах сөптөөхтүк иитиэхтээхпит туһунан ветеринардар сүбэлээтилэр. Сылын аайы куоскаларбын ветеринаркаҕа аҕалан прививка туруортарабын. Улааттахпына ветеринар буолуохпун баҕарабын», — диэн этэр Амилия.
Маар орто оскуолатын «Юла» медиакиинэ.
keskil14.ru