Ньурба Маарыгар Тобоновтар дьиэ кэргэн үһүс сылын бааһынай хаһаайыстыбанан дьарыгырабыт. Икки га иэннээх сиргэ хортуоска олордон, сайын ону көрөн-харайан, күһүн атыыга таһаарабыт.
Быйыл хортуоскабыт үүнүүтэ былырыыҥҥыттааҕар мөлтөх, кураан сайын буолан. Улахан сиргэ оҕуруот аһын үүннэриитэ, харайааһына ыарахан буолан, сылын аайы кылааһым оҕолоро, дьүөгэлэрим, аймахтарым хортуоска хомуйуутугар көмө буолаллар.
Маны таһынан, сылын аайы нэһилиэкпит аҕам саастаахтарын көрдөһүүлэринэн оскуола үөрэнээччилэрэ хортуоска хостооһунугар көмөлөһөбүт. Быйыл Түмүк нэһилиэгин ытык кырдьаҕастарыгар, тыыл бэтэрээннэригэр Григорьева Мария Гаврильевнаҕа уонна Егоров Яков Ивановичка хортуоска хостооһунугар көмө буоллубут.
Элбэх буолан үлэҕэ түһүнэр олус үчүгэй!
Снежана ТОБОНОВА,
«Юла» медиакиин юнкора, Маар орто оскуолата, Ньурба.
keskil14.ru