Олунньу 21 күнүгэр Горнай улууһун Л.Н. Харитонов аатынан Маҕарас орто оскуолатыгар дойдубутугар Аҕа Дойдуну, Өрөспүүбүлүкэбитигэр Ийэ Дойдуну көмүскээччилэр, нэһилиэкпитигэр
Дойдуга бэриниилээх буолуу, Кыайыы 80 сылын, ону тэҥэ Аҕа дойду көмүскээччилэр күннэрин көрсө дириҥ суолталаах бастакы
«Дьоруой Паартата» арыллыыта буолла.
Биир дойдулаахпыт, Маҕарас орто оскуолатын 1992 сыллаах выпускнига баҕа өттүнэн Ийэ дойдутун чиэһин көмүскээри анал байыаннай дьайыыга баран олоҕуҥ толук уурбут «Эр санаа» уордьан хаһаайына Михаил Афанасьевич Степанов хорсун быһыытын кэнчээри ыччакка билиһиннэрэр, аатын үйэтитэр сыаллаах тэрээһин ыытылынна. «Дьоруой паартатын» ийэтэ Анна Михайловна, бииргэ төрөөбүттэрэ, табаарыстара арыйдылар. Кыһыл көмүс буукубаларынан суруллубут паартаҕа бастакынан олорор чиэһи балтытыгар 11 кылаас туйгун үөрэнээччитигэр Зоя Колодезниковаҕа биэрдилэр. Кэлин бу паартаҕа олоруохтара, үөрэхтэригэр туйгун, оскуола олоҕор көхтөөх, уһулуччу ситиһиилээх үөрэнээччилэр.
Маны таһынан, бу күн оскуолабыт үөрэнээччилэрэ анал байыаннай дьайыыга сылдьар биир дойдулаахтарбытыгар ис сүрэхтэн оҥорбут алгыс тыллаах харысхаллары, суруктары нэһилиэкпит аҕа баһылыгар В.М. Текеянов туттардыбыт.
Ярик Петров, Л.Н. Харитонов аатынан Маҕарас орто оскуолатын 9 кылааһын үөрэнээччитэ.
keskil14.ru