Лиссиэй күнэ — хас биирдии үөрэнээччигэ ураты күн буолар. Бу күн судургу буолбатах, бу күн лиссиэй иһигэр үөрэнээччилэр ааспыт суолларын ахтыылара, сыллааҕы түмүктэрин истиилэрэ буолар.
Александр Николаевич Чусовской аатынан Ньурбатааҕы техническэй лиссиэй оройуон иһинэн тутаах оскуолалартан биирдэстэрэ буолар. Сылтан сыл устата лиссиэй уһулуччулаах техническэй хайысхалаах үөрэҕи аныгы үөрэхтээх технологиялары кытта дьүөрэлээн бэйэ үгэстэрин бэриниитин кичэйэн ордорор. Манна кытаанах билии эрэ буолбакка эппиэтинэс, бэйэни сайыннарыы уонна үлэгэ дьулуһуу сайдар.
Бу дьоро күңңэ туспа миэстэни ылар Александр Николаевич Чусовской үөрэх сайдыытыгар, үүнэр көлүөнэ иитиитигэр балачча уурууну киллэрбит киһи буолар. Кини санаалара, бириинсиптэрэ биһиги лиссиэйбит истиэнэлэригэр билиңңи кэмңэ дылы уһулуччу суолталаахтар.
Ньурбатааҕы техническэй лиссиэй выпускниктара бэйэлэрин ситиһиилээхтик араас эйгэҕэ холононнор бэйэлэрин ситиһиилэринэн, дьоһун результаттарынан күндү лиссиэйбит аатын көтөҕөллөр.
1990 сыл саҕаланыытыгар тутуллубут А.Н. Чусовской аатынан Ньурбатааҕы техническэй лиссиэй оройуон үөрэҕириитин флагмана уонна саңа идея үөскэтээччитэ буолар. 2015 сыллаахтан Ньурбатааҕы техническэй лиссиэй СӨ Билим дьоҕус академиятын филиала буолар. 2017 сыллаахха Невскэй образовательнай ассамблея чилиэнэ буолар. 2018 сыллаахха «Школа — спутник Международной Арктической школы» статуһун ылар. 2019 сыллаахха өрөспүүбүлүкэтээҕи инновационнай бырайыак олоххо киллэрии площадкатын «Школа 2.0 — институт социализации» статуһун ылар. Ол таһынан 2017 сыллаахха Н. Э. Бауман аатынан Московскай государственнай техничэскэй университетын кытары бииргэ үлэлэһии туһунан илии баттаммыта. 2021 сыллаахха — М.К. Аммосов аатынан ХИФУ кытары бииргэ улэлэһии туһунан илии баттаммыта. Бутэһик сыллар устата Ньурбатааҕы техническэй лиссиэй элбэх граннары кыайбыта, өрөспүүбүлүкэ иһинэн «топ-10 лучших в рейтингах гимназий и лицеев» киирбитэ, араас тэрээһиннэргэ кыайыылаах уонна лауреат аатын сүкпүтэ.
Билигин Александр Николаевич Чусовской аатынан Ньурбатааҕы техническэй лиссиэй политехническэй үөрэҕирии басхана, араас бырайыак көҕүлээччитэ, үөрэнээччилэргэ эрэ буолбакка оройуон уонна өрөспүүбүлүкэ иһинэн педагогтарыгар профессиональнай компетенция буолуутун дьаһайар киинэ буолар.
Ньурбатааҕы лиссиэй элбэх ситиһии, кыһаллыы орто үөрэх заведениета. Лиссиэйбит историятын хас биирдии үөрэнээччи билэр тустаах.
Лиссиэй күнэ — оскуолабыт историятын уонна ситиһиилэрин ытыктааһынын дьоро кунэ буолар.
Ыстатыйаны суруйдулар: Ньурбатааҕы техническэй лиссиэй 11 «а» кылаас үөрэнээччилэрэ, «Объектив» медиа киин корреспонденнара Оля Фелегонова уонна Малена Винокурова