РДШ «Орлята России» бырагырааматынан IV-V кылаастарга ахсыс трек урукку сыллааҕы активист-лиидердэри кытта көрсүһүү дьарыгын Горохова Сардана Михайловна ыытта.
Инники көлүөнэҕэ дириҥ ис хоһоонноох иһитиннэриини оҥордо. Пионердар диэн кимнээхтэрин, Боронук оскуолатыгар Олег Кошевой аатынан пионерскай дружина хаһан тэриллибитин, туох сыаллаах-соруктаах үлэлээбитин, бастакы пионердар кимнээхтэрин туһунан презентация көмөтүнэн билиһиннэрдэ.
Туйгун үөрэхтээх, активист-лиидэр оҕолор “Артек” лааҕырга баран кэлбиттэрин туһунан кэпсээтэ. Значоктары, атрибутикалары оҕолор сэҥээрэн көрдүлэр. “Артек” лааҕырга оонньообут оонньууларын оҕолорго оонньотто. Оҕолор болҕомтолоохтук олорон иһиттилэр, элбэҕи көрдүлэр-биллилэр. Сардана Михайловнаҕа улахан махталбытын тиэрдэбит.
Екатерина Афанасьевна СЛЕПЦОВА, алын сүһүөх кылаас учуутала.
Боронук, Дьааҥы.