Дабаадыма сирэ наһаа кэрэ айылҕалаах, хатыҥ чараҥ мастардаах, улахан күөллэрдээх. Манна хас да ыал сайылыктанан олороллор. Оҕо барыта сөбүлээн сынньанар «Кустук» лааҕыры бырайыактаан туттаран үлэҕэ киллэттэрбит Гаврил Гаврильевич Сивцев энтузиаст педагог, үлэ бэтэрээнэ, идэтинэн үлэ уонна физкультура уруогун учуутала.
Кини дьиэ кэргэнэ сайынын Дабаадыма сиригэр олохсуйан олорбута ыраатта. От ыйын 5 күнүгэр биһиги, лааҕыр оҕолоро, Бэс күөл кытыытын, онтон от ыйын 7 күнүгэр баһаатайдарбытын кытта Гаврил Гаврильевич дьиэ кэргэнин тэлгэһэтигэр баар хортуоскатын бааһынатын сыыһын ыраастаатыбыт.
Бары наһаа көхтөөхтүк, көдьүүстээхтик үлэлээтибит. Анастасия Дмитриевна наһаа үөрдэ, махтанна уонна сылаас бэрэскинэн күндүлээтэ. Үлэни бүтэрэн баран дьоҥҥо үтүөнү оҥорбуппутуттан наһаа астынныбыт.
Нарыйаана Нестерова, VI кылаас, Дүпсүн орто оскуолата, Уус Алдан