Мин быраатым аата Айсен. Кини 8 саастаах. Кыра сааһыттан ийэбин сырсан хотоҥҥо сылдьыһар, окко биир да күнү көтүппэккэ барсар. Наһаа тулуурдаах, кумаар, оҥоойу сиир диэн үҥсэргээбэт. Ынахтарын, тарбыйахтарын барытын билэр, эмсэҕинэн аһатан көмөлөһөр. Бэйэтэ аат толкуйдаан биэртэлиир. Киэһээҥи ыамҥа велосипедынан сылдьан ынахтарын сылгылаан аҕалар, түптэ бэлэмнээн туһалыыр.
Эбии дохуоттанаары ийэбитин кытта үүт, сүөгэй, суорат, быырпах оҥорон атыылыыбыт. Айсеммыт атыыласпыт дьоҥҥо велосипедынан илдьэн биэрэ охсор уонна киирбит харчытын мунньар. Туттубакка уура сылдьар. Баҕа санаатын толорор сыаллаах. Улааттаҕына фермер буолуон баҕарар. Өссө киниэхэ ынах, ферма бөҕө оонньуурдаах. Улахан ферматын оҕо саадыгар бэлэхтээбитэ. Билигин кини ооньуур ылларбат, ол оннугар харчыны мунньар буолбут. Аныгы үйэ оҕото кыра сааһыттан бизнес диэни өйдүүр, харчы үлэлээтэххэ эрэ кэлэрин билэр.
Күннэйэ Куо Яковлева,
VI кылаас,
Чуукаар орто оскуолата, Ньурба