Биһиги оскуолабыт Н.Е. Мординов-Амма Аччыгыйа аатынан «Кэскил» оҕо бэчээтин кыһатын кытта үһүс сылбытын үлэлиир. Оскуолабыт, нэһилиэкпит олоҕун, үлэһит дьоннорун туһунан киэҥ эйгэҕэ сырдатан, элбэх видео устабыт, ыстатыйа суруйабыт, командировкаларга сылдьабыт. «Кэскил» оҕо бэчээтин кыһата элбэх саҥаны билэргэ, сайдарга олус диэн күүс-көмө буолар.
«Кэскил» медиа оскуолаҕа үлэлиирбит иһин 2024 сыл түмүгүнэн төлөммүт харчыбытыгар анал форма уонна видео уһуларбытыгар саамай наадалаах тэриллэри – петличка, стабилизатор, штатив ыллынныбыт. Бу ылыммыт саҥа тэриллэрбитин үөрэтэн, туттарга бэлэмнэнэ сылдьабыт.
Билигин биһиги иннибитигэр сырдатар үлэбит хаачыстыбатын тупсарар сорук турар.
«Кэскил» оҕо бэчээтин кыһатыгар баҕа санаабытын толорбуккутугар, үлэбитин чэпчэппиккитигэр махталбытын тиэрдэбит. Саҥа сылга үчүгэй хаачыстыбалаах видеолар тахсыахтара диэн эрэннэрэбит.
Валерия ГОТОВЦЕВА, X кылаас, “Байаҕантай кэскиллэрэ” юнкор пост,
М.Н. Готовцев аатынан Танда орто оскуолата, Уус Алдан