Улуу Кыайыы өрөгөйдөөх бырааһынньыгын көрсө Маар орто оскуолатын үөрэнээччилэрэ нэһилиэкпит үлэ уонна тыыл бэтэрээннэригэр ыалдьыттаатылар.
Биһиги нэһилиэкпит ытык кырдьаҕастара, үлэ, тыыл бэтэрээннэрэ Мария Григорьевна Гаврильева, Яков Иванович Егоров Кыайыы 80 сылын көрсөллөр. Үтүө үгэһинэн оскуола оҕолоро нэһилиэк Аҕа саастаахтар сэбиэтин салайааччытын Васильева Ирина Ивановналыын дьиэлэригэр тиийэн эҕэрдэлииллэр.
Быйыл оскуолабытыгар бэйэ оҥорон таһаарар бородууксуйа кэҥээн, оҕолор Кыайыы бирээнньигин, нэһилиэкпит баһылыга Д.Н. Егоров тыыл бэтэрээннэригэр эҕэрдэлии барарбытын истэн, оскуолабыт бородуксуйатыттан бенто-торт атыылаһан бэлэхтээн үөртүбүт.
Маны таһынан 5 кылаас үөрэнээччилэрэ Ирина Ивановналыын маастар-кылааска оҥорбут Кыайыы бэлиэтин гвоздиканы, георгиевскай лентаны убаастабылы уонна махталы биллэрэн туттардылар. Түмүгэр ытык кырдьаҕастарбыт кэлэр кэнчээри ыччакка үтүө тылларын анаан эттилэр.
Маар орто оскуолатын «Юла» медиакиинэ.
keskil14.ru