Бары билэрбит курдук, Саха Өрөспүүбүлүкэтин Ил Дархана Айсен Сергеевич Николаев үүммүт саҥа 2023 сылы Үлэ сылынан биллэрдэ. Былыр-былыргыттан үлэлиир-хамсыыр эрэ киһи аһыыр аһын булунара, киһи-хара буолара. Үлэни өрө туппат, үлэттэн куотар киһи хаһан даҕаны инники күөҥҥэ тахсыбат.
Мин санаабар Ил Дархаммыт өрөспүүбүлүкэбит туох баар салаалаларын үлэтэ өссө эбии тубустун диэн, көрдөрүүлэрэ үрдээтин диэн бу сылы биллэрбитэ буолуо. Өрөспүүбүлүкэ сайдыыта, ситиитэ-хотуута кини туох баар салааларын үлэтиттэн тутулуктаах.
Билигин буола турар байыаннай анал дьайыыга государствобыт күүстээх, кытаанах тирэххэ олус наадыйар. Ол тирэҕинэн тыылга күүстээх үлэ буолар. Ол күүстээх үлэни хас биирдиибит өйдөөн-төйдөөн туран тупсарыан, кичэйиэн наада. Оччоҕо эрэ инникигэ сайдыы, эрэл, тупсуу, баай байылыат олох баар буолуо дии саныыбын.
Арсен Винокуров, 11 кылаас үөрэнээччитэ,
Орто Халыма, Өлөөкө-Күөл б.