Олунньу 23 күнүгэр түөрт Геройдаах Байаҕантай нэһилиэгэр Аҕа дойдуну көмүскээччилэр күннэригэр, Россия Үлэҕэ Геройа М.Н. Готовцев 80 сааһыгар аналлаах холбоһуктаах тэрилтэлэр икки ардыларыгар воздушканан ытыыга күрэхтэһии М.Н. Сибиряков аатынан спортсаалаҕа үрдүк таһымнаахтык буолан ааста.
Уопсайа биэс холбоһуктаах хамаанда – олохтоох дьаһалта, кулууп, музей уонна бибилэтиэкэ; Россияҕа Үлэ Геройа М.Н. Готовцев аатынан Танда орто оскуолата; ОДьКХ, оҕо саада; МПЧ-4, балыыһа; тэрилтэҕэ киирбэт нэһилиэк олохтоохторо – кытыннылар. Хамаанда састааба 5 киһиттэн турар (3 эр киһи, 2 дьахтар).
Күрэх уопсай түмүгүнэн, I миэстэни оскуола хамаандата ылла, II миэстэ – олохтоохтор, III миэстэ – ОДьКХ, оҕо саада. Биирдиилээн бастыыриһин күрэххэ кыайыылаахтарынан Евдокия Васильева, Лилия Готовцева, Вероника Готовцева, Егор Сидоров, Алексей Готовцев, Сергей Васильев ааттаннылар. Уопсай очко ааҕыытынан муҥутуур кыайыылааҕынан Егор Сидоров буолла.
Кыайыылаахтары күрэх кылаабынай судьуйата, Байаҕантай нэһилиэгин баһылыга С.И. Егоров наҕараадалаата.
Туйаара МАМОНТОВА, Х кылаас, М.Н. Готовцев аатынан
Танда орто оскуолата, Уус Алдан
Ааптар хаартыскалара