Сэтинньи 25 күнэ Саха сиригэр Олоҥхо күнүнэн биллэр. Бу күҥҥэ анаан сир- сир аайы араас тэрээһиннэр ыытыллаллар.
Оттон биһиги оскуолабытыгар уруһуй быыстапката тэрилиннэ. Уруһуйдуур дьоҕурдаах оҕолор аахпыт олоҥхолорун ис хоһоонунан сөбүлээбит түгэннэрин уруһуйдаан аҕалбыттар.
Ким акварелинэн, ким өҥнөөх харандааһынан, ким фломастерынан, ким боростуой харандааһынан. Оттон иккис кылаас үөрэнээччилэрэ пластилинынан ойуулаан аҕалбыттар.
Бары уруһуйдар бэйэлэрэ тус- туспа тыыннаахтар, ураты уобарастаахтар. Онон коридорга быыстапканы сэҥээрээччилэр, уруһуйдары ырытааччылар хас уоскулаҥ аайы тоҕуоруһаллар.
И.Ноговицына,
Орто Халыма, Өлөөкө-Күөл б.