Орто Халыма улууһун Г. Г. Софронов Өлөөкө-Күөл орто оскуолатын оҕолоро Дьааҥы улууһун ууттан эмсэҕэлээбиттэригэр көмөлөһөр сыаллаах «Үтүөнү оҥор» диэн аһымал акцияны тэрийдилэр. Бу туһунан 11 кылаас үөрэнээччитэ Гея Винокурова биллэрэр.
«Кэнчээри» үлэ, сынньалаҥ лааҕыр иитиллээччилэрэ Дьааҥы улууһугар ууттан эмсэҕэлээбиттэргэ көмөлөһөр сыаллаах «Үтүөнү оҥор» диэн аһымал акцияны тэрийдибит.
Лааҕырбыт салайааччыта Ньургуйаана Семеновна Кривошапкина уонна поварбыт Елена Тимофеевна Винокурова салалтатынан буулканы, хобуораһы уонна атын бурдук аһын астаан, нэһилиэнньэҕэ атыылаатыбыт. Лааҕырбыт үлэһитэ Капитолина Константиновна Винокурова дьиэтигэр астаан, биһиги акциябытыгар эмиэ кыттыспыта. Онон кыһалҕалаах дьоҥҥо бэйэбит сэмэй кылааппытын киллэрдибит. Дьон аспытын тута атыыласпытыттан олус үөрдүбүт. Нэһилиэнньэ сайаапкатынан дьиэлэригэр тиэрдэн биэрдибит.
Аһымал акцияҕа кыттыспыт дьоммутугар барҕа махталбытын тиэрдэбит! Маннык айылҕа быһылааннара ханна да буолбатыгар баҕарабыт.