Балаҕан ыйын маҥнайгы күнэ — билии күнэ! Бу күн дойдубут үрдүнэн сырдыкка, кэрэҕэ уһуйар үөрэх кыһалара ааннарын тэлэччи астылар. Ол курдук, быйылгы 2025-2026 үөрэх дьылыгар Лөгөй лиссиэй-интэринээтигэр 8 оҕо билии киэҥ аартыгар маҥнайгы кылааска киирдилэр, маны тэҥэ улууспут оскуолаларыттан интэринээккэ 76 иитиллээччи киирэр. Уопсайа 214 үөрэнээччи буолан үөрэхпит дьылын саҕалаатыбыт.
Үөрүүлээх линейкаҕа ытык мааны ыалдьыттарынан буоллулар Лөгөй нэһэлиэгин аҕа баһылыга Николай Николаевич Попов, Уус Алдан улууһун култуураҕа начальнига Сергей Сергеевич Нафанаилов, Уус Алдан улууһун үөрэх управлениетын специалиһа Елизавета Алексеевна Дьячковская эҕэрдэ тыллары бары үөрэнээччилэргэ, учууталларга, төрөппүттэргэ анаатылар. Лиссиэйбит дириэктэрэ Михаил Петрович Пухов саҥа үөрэх сылынан эҕэрдэлээтэ уонна ааспыт сыллааҕы лиссиэй ситиһиилэрин билиһиннэрдэ. Былырыыҥҥы үөрэх дьылын 2025 сыл выпусниктара 31 бары 100% үөрэххэ, ол 16 оҕото үрдүк үөрэххэ, 17 оҕото орто анал үөрэххэ киирдилэр. Маны тэҥэ юбилейнай выпусктар оскуола бэлэхтэрин билиһиннэрдэ, махтанна. Ол курдук, биһиги учууталларбыт сылы эргиччи ситиһилээхтик үлэлээн педагог-тьютор Марианна Фред Попова, саха тылын уонна литературатын учуутала Валентина Иннокентьевна Тищенко Ил Дархан Гранынан наҕараадаламмыттара.
Янис СЫСОЛЯТИН, VIII кылаас,
Лөгөй лиссиэй-интэринээт, Уус Алдан