Быйыл Лөгөй лиссиэй-интэрнээтигэр саҥа лидеры таллыбыт. Барыта 3 оҕо кандидатка турбуттара: Айыына Копырина — 10 А кылаас, Эвелина Стручкова — 10 А кылаас уонна Алеша Бурнашев — 9 кылаас. Уопсайа 229 быыбардааччы баара. Быыбар түмүгүнэн 138 куоластаах Алексей Бурнашев лиссиэйбит саҥа лидерынан талылынна.
Ол курдук, сэтинньи 8 күнүгэр лиссиэйбитигэр кэтэһиилээх бэлиэ күн буолла. Саҥа талыллыбыт лидер үлэтин саҕалыыр «Инаугурация» диэн тэрээһин буолла. Алексей Бурнашев бэйэтин хамаандатын билиһиннэрдэ уонна лиссиэй оҕолорун, директорбыт Пухов Михаил Петрович иннигэр андаҕар тыл биэрдэ.
🔸 Татьяна Михайловна Петухова — иитэр үлэҕэ дириэктэр советнига, үөрэнээччилэр сэбиэтин саҥа хамаандатыгар, актив чилиэттэрин удастабырыанньаларын туттарда.
🔸 Дириэктэри иитэр үлэҕэ солбуйааччы Хабарова Марианна Николаевна, лиссиэйбит сайдарын туһугар үлэлэспит, ааспыт үөрэх дьылын лидербытыгар Басыгысова Даринаҕа уонна кини хамаандатыгар махтал суруктары туттарда.
Инаугурация тэрээһин кэнниттэн саҥа лидербыт, оҕолору түмэн оонньуулаах үнкүү киэһээтин тэрийдэ. Алеша Бурнашев лиссиэйбитигэр ураты бырайыактары, саҥа сүүрээннэри киллэриэҕэ диэн эрэнэбит.
Янислав Сысолятин текиһэ, Майя Стрекаловская хаартыскалара, «Ситим LegMedia» юнкордара