Сэтинньи 26 күнүгэр Лөгөй лиссиэй-интернаатыгар кылаастар икки ардыларыгар оҕо бэйэтэ уһулбут тэттик киинэтин көрүү күрэҕэ буолла. «KINOSFERA LLI 24» бырайыак ааптара Лөгөй лиссиэй-интернатын омук тылын учуутала Любовь Евгеньевна Петухова этиитин лиссиэйбит администрацията уонна дириэктэрэ Михаил Петрович өйөөннөр бу бырайыак олоххо маҥнайгы хардыытын оҥордо. «KINOSFERA LLI’ 24» күрэх дьүллүүр сүбэтэ Михаил Пухов Лөгөй лииссиэйин дириэктэрэ, Любовь Петухова , Мария Кириллова омук тылын учууталлара, Валя Алексеева оскуолабыт 2021 сыллаах выпускницата, Коля Олесов, Алина Наговицына, Дарина Петухова лиссиэйбит 2024 сыл выпускниктара. Күрэх икки группанан дьүүллэннэ 2-7 кылаастар, 8-11 кылаастар.
Күрэх түмүгэ:
1 группа
1 миэстэ🎬 3 кыласс — «Аптаах тыл»
2 миэстэ🎬 4 кыласс — «Ийэбэр бэлэх»
3 миэстэ🎬 5 кыласс — «Истории из детства, рассказанные дьяком Фомой Григорьевичем»
2 группа
1 миэстэ🎬 10 «Б» кыласс — «Артем ситиһиитэ»
2 миэстэ🎬 10 «А» кыласс — «Өйтөн суруйуу «Мин аҕам — киэн туттуум»»
3 миэстэ🎬 9 кыласс — «Өөчүк уонна кини доҕотторо: дьоллоох оҕо саас түгэннэрэ»
Миэстэ иһигэр киирбит кылаастар бука бары кубогынан, грамотанан уонна харчынан бириэмийэ туттулар. Маны таһынан «Лучшая роль», «Лучшая операторская работа», «Лучший монтаж», «Лучшая афиша», «Лучший трейлер» анал ааттары тутан үөрдүлэр. Бары номинаннарга Лөгөй лиссиэй уонна П.П Оготоев сынньалаҥ киинин иһинэн үлэлиир «Cinema Legoy» кинозал бэлэхтэрин киинэҕэ билет туттулар. Саҥа бырайыак буолан Лөгөй лиссиэйин историятыгар олус уратытык киирдэ. Аныгыскы үөрэх дьылыгар маннык тэрээһини олус күүтэбит.
СЫСОЛЯТИН Янис, ГЕРАСИМОВ Павел SiTiM LegMedia Юнкордара