Лөгөй лиссиэй-интэринээтигэр ыам ыйын 23-24 күнүгэр 2024-2025 үөрэх дьылын түмүктээн, үрдүк көрдөрүүлээх үөрэнээччилэрин, учууталларын «Үрдэл-2025» ситиһии түһүлгэтэ диэн тэрээһиҥҥэ чиэстээтилэр.
Бу тэрээһиҥҥэ үөрэх дьылын туйгуннук уонна үчүгэй сыаналарынан бүтэрбит үөрэнээччилэри бэлиэтээн добун суруктар туттарыллыннылар. Маны тэҥэ, куруһуоктар, туһааннаах биридимиэттэр бастыҥнарын ааттаатылар.
Маны таһынан РСФСР үөрэҕэриитин туйгуна, «үлэ бэтээрээнэ» бэлиэ аат хаһаайката, «Уус Алдан улууһун үөрэҕэриитин сайдыытыгар сүҥкэн кылаатын киллэрбит», Лөгөй нэһилиэгин бочуоттаах олохтооҕо Мариянна Иннокентьевна Стрекаловская аатынан анал бириэмийэни тутта Сысолятин Янис ( 7 кыл.)
Ол курдук лиссиэй иһинэн «Лучший спортсмен» анал аат хаһаайына буолла Арылхан Перевалов (11 «б» кыл.), «Лучший в науке» — Янис Сысолятин ( 7 кыл.), «Лучший активист» — Алеша Бурнашев (9 кыл.) буоллулар. Оттон сүһүөҕүнэн лиссиэй бастыҥ үөрэнээччилэринэн ааттаннылар:
алын кылаас сүһүөҕэр — Күннэй Хабарова уонна Дамир Прядезников (4 кыл-р.);
орто сүһүөххэ — Павел Герасимов (8 «а» кыл.), Попова Алекса (8 «а» кыл.) үрдүкү кылаастарга — Мария Тищенко — 10 «а» кыл, Егор Копырин — 9 кыл.
Россияҕа 2025 сылга үрдүк ситиһиилээх оҕолорго «Гордость школы» бэлиэ туттарыллынна:
Янис Сысолятиҥҥа — Санкт-Петербурга нпк кыайыылааҕа;
Егор Копыриҥҥа — Москва куорат «Профессионалы» чемпионат призера. Оҕолорго Аҕа дойду Улуу сэрии кыттыылааҕын, буойун-учуутал Самсонов Прокопий Алексеевич оҕолоруттан, сиэннэриттэн анал бириэмийэ туттарыллынна.
«Лучший класс 2025» диэн анал бириэмийэ олохтонно. Алын сүһүөхтэргэ — 4 кылаас коллектива кыайда, сал., Наталья Семеновна Олесова; орто сүһүөххэ 7 кыл. коллектива, сал. Анастасия Михайловна Колесова; үрдүкү сүһүөххэ 9 кыл. коллектива сал. Надежда Егорровна Бурнашева буоллулар. Үөрэнээччилэр Анал бириэмийэлэри тутан үөрүүлэрэ үксээтэ.
Биһиги Лөгөйбүт лиссиэйэ өрөспүүбүлүкэбит биир бастыҥ оскуолаларыгар киирсэр диэтэхпинэ сыыспатым буолуо. Бүтүн Арассыйатааҕы, өрөспүүбүлүкэтээҕи, улуустааҕы күрэхтэргэ инники күөҥҥэ сылдьарыттан олус үөрэбин, киэн туттабын. Бу үрдүк көрдөрүүнү барытын биһиги сатабыллаах учууталларбыт мындыр өйдөрүн үөрэнээччилэргэ иҥэрэн үрдүк ситиһиилэр кэлэ тураллар, инникитин лиссиэйбит ситиһии тэтимин ыһыктыбакка өссө үрдүк чыпчааллары дабайдын!
Лөгөй лиссиэй биир кэлим девиһа:
Лөгөй-өрөгөй!
Лөгөй-өркөн өй!
Сысолятин Янис Лөгөй лиссиэй-интэринээтин SiTiM Leg Media юнкора.