Быйыл кытай халандаарынан Саҥа дьылы тохсунньу 29 күнүгэр — саҥа ый үүнүүтүгэр көрсөллөр. Дракон сыла түмүктэнэр уонна күөх мас моҕой сыла саҕаланар. Кытайдар биир күн эрэ буолбакка икки нэдиэлэ устата саҥа сылы көрсөр уонна сынньанар эбиттэр.
Ханна да буоларын курдук, Саҥа дьылга дьиэ кэргэн түмсэр үтүө күнэ — истиҥ көрсүһүүлэр, бэлэхтэһии, үөрүү-көтүү, дьолу баҕарыы. Биир уратылара – кыһыл өҥ баһыйар Банаардар бырааһынньыктара.
Сахалар бэйэбит Саҥа дьылбытын тэҥэ илиҥҥи дойдулар үгэстэрин, бэлиэ күннэрин билэбит уонна сэҥээрэбит. Ол курдук сыл бэлиэ харамайа Саҥа дьыллааҕы аккырыыккаларга, киэргэтиигэ, маскараакка баар буолар. Кэлин ыаллар уонна тэрилтэлэр тастарыгар муустан-хаартан сыл бэлиэтин оҥороллор.
![](https://keskil14.ru/wp-content/uploads/2025/01/Sajdam-NAD-tiergene-225x300.jpg)
![](https://keskil14.ru/wp-content/uploads/2025/01/Kebeejitee-i-STNG-EGU-228x300.jpg)
![](https://keskil14.ru/wp-content/uploads/2025/01/O-o-sportivnaj-oskuolata-300x225.jpg)
Моҕой сыла үүнүүтүгэр быйыл биһиэхэ ханнык оҥоһуктар баалларын көрдүбүт, хаартыскаҕа түһэрдибит. Кэбээйитээҕи СТНГ АУо ЭГУ иннигэр муустан (маастар Иван Горохов) моҕой, онтон улуустааҕы П.Д. Степанов аатынан кыраайы үөрэтэр түмэл (маастар Степан Эверстов), оҕо спортивнай оскуолатын (сал. Анаппыт С.Б.), «Сайдам» норуот айымньытын киинин (сал. Полятинская Н.И.) тиэргэннэригэр хаартан күөх моҕойдор оҥоһуллубуттар.
Үүммүт Моҕой сыла ил-эйэ эйгэлээх, сырдык-ыраас үктэллээх буоллун!
Таня Кобякова, 11 кылаас, «Нуклеус» пост, Кэбээйи оскуолата
Хаартыскаҕа Вася Спиридонов, А.А. Максимова түһэриилэрэ