Илья Егорович Винокуров аатынан Намнааҕы педагогическай колледжка маастар-кылаастар нэдиэлэлэрэ саҕаланна. Ол туһунан сырдатан аһардахха, колледж технология уруогун учуутала Андрей Алексеевич Осипов кыл кырыымпаҕа үөрэниэн баҕалаах ыччаттары уонна учууталлары түмэн маастар-кылааһы иилээн-саҕалаан ыытта.
— Мин кырыымпанан 2018 сыллаахтан дьарыктанабын. Бастаан диплом оҥотторон онтон кыралаан саҕаламмыта диэххэ сөп. Кырыымпа атын инструментан уратыта диэн нотата атын уонна киһи ылынан, баҕаран туран дьарыктаннаҕына, сатанар дии саныыбын. Хас биирдии кырыымпа тус туспа, синньиир сонуур куоластаах. Кырыымпаны 50 сыллартан үөдүйэн баран, «Кыл сахалар» үлэлээн-хамсаан кырыымпа диэн инструмен баарын сөхсүттүлэр, иккис тыын биэрдилэр.
Саха кырыымпатын харыйаттан, бэстэн оҥороллор, ат кылынан оҥоһуллар. Онон кырыымпа иккис аата кыл саҕар диэн буолар. Былыр өбүгэлэрбит араастаан оҥорон тыаһаталлара. Ол курдук уот иннигэр олорон, ох саанан аалан тыас таһааран дойдуларын, айылҕаларын санаан ылаллара. Кырыымпа сүрдээх ыраас куоластаах, — диэн кэпсээн туран, кырыымпаһыттарга бу дьарыктарын инникитин өссө сайыннаралларыгар баҕарда.
Ити курдук колледж оҕолоро, учууталлара маастар-кылааска сылдьан элбэх саҥаны, сонуну биллибит, хайдах туттулларын көрөн, санаалыын, дууһалыын ылынныбыт.
Эрчим НИКОЛАЕВ, И.Е. Винокуров аатынан Намнааҕы педагогическай колледж 1 куурсун устудьуона