Кулун тутар 20 күнүгэр, Республиканскай медиа-центрга пресс-конференция буолан ааста. «Кыра сулус кыра тойоно» диэн Антуан де Сент Экзюпери «Маленький принц» айымньытынан оҕолор Пермь куоракка Арассыыйатааҕы «Моя игра» диэн куонкуруска II степеннээх лауреат буолан кэлбиттэр.
Бу пресс-конференция эспэктээкэли туруорбут режиссердар: Оленова Лена Семеновна, Слепцова Наталья Владимировна. Олоҥхо театрын ырыаһыта, төрөппүт Алексеева Иванида Олеговна. Сүрүн оруолу толорбут Эрхан Степанов уонна Софронова Александра, Сивцева Сайаана.
Оленова Лена Семеновна:
Бу биһиги аҕыйах күннээҕитэ, Арассыыйа үрдүнэн тэриллибит эдэр ыччат уонна оскуола театрдарын күрэхтэриттэн кэлэн олоробут. Олуһун диэн интэриэһинэй тэрээһин буолла диэххэ наада. Дьүүллүүр сүбэбит үрдүк таһымнаах, театр эйгэтигэр үлэлии-хамныы сылдьар дьоннор. Наһаа үчүгэй тыллары этэн, оҕолорбутун алҕаан, элбэх баҕайы номинацияҕа кыайыылаах буолан кэллибит. Оҕолор наһаа маладьыастар. Бэрт баҕайытык кытыннылар. Эспэктээкэллэрин кылгас кэм устата, биир эрэ чаас репетициялыырга бэрилллэр. Биир чаас устата, түргэн-тарҕан, биир хамаанда буолан наһаа үчүгэйдик оонньоотулар. Бу күрэх «Союз театральных деятелей Российской Федерации» тэрийбит куонкуруса буолар. Бу манна таһымнаах оҕо театрдара кытыныллар. Бу куонкуруска Арассыыйа үрдүнэн 261 театральнай студия, оскуола театрдара, эдэр ыччат театрдарыттан талыллан 41 финалист аатыгар киирэммит, бу 5 номинацияҕа лауреат 2 степеннээх кыайыылааҕа буолан, ону таһынан «За оригинальное вещение музыкального спектакля» диэн номинацияҕа тигистибит. Өссө хайҕыы бэлиэтээтилэр «за лучшую мужскую роль» Эрхан Степановы. Софронова Александраны дьүллүүр сүбэ бэрэдсэдээтэлэ Александр Аргунович, биһиги оҕолорбутун ВГИГка үөрэххэ ыҥырда.
10-тахса сыл иһигэр номнуо 15 арааһынай эспэктээкэли туруорбуттар.
Улахан дьон уонна оҕолор мөккүөрдэрин Лена Семеновна бу маннык диэн быһаарда:
Улахан дьон уонна оҕолор мөккүрдэрэ өрүү баар буоллаҕа дии. Биһиги эспэктээкэлбитигэр бу проблематика эмиэ баар ээ, ону биһиги таарыйабыт. Тус бу айымньынан ыллахха, мин бэйэм ийэ быһыытынан туруорунан көрбүтүм. Бэйэм оҕобор сыһыаммар туох сыыһалар баалларый, туох сөптөр баарый диэн ырытабын. Бэйэм ийэ да быһыытынан, режиссер да быһыытынан уонна аныгы да киһи быһыытынан турорунан көрөбүн. Синбиир кэм уларыйар буоллаҕа дии. Ону бу барытын ылан эспэктээкэлбитигэр көрдөрөбүт.
keskil14.ru