Муус устар 30 күнүгэр Төҥүлү нэһилиэгин олохтоохторо «Кылыыҥкай» үҥкүү бөлөҕүн 25 сыллаах үбүлүөйүгэр анаан «Youth dancing» кэнсиэргэ, үҥкүү алыптаах түһүлгэтигэр муһуннулар.
«Кылыыҥкай» үҥкүү бөлөҕөр араас көлүөнэ барыта үҥкүүлүү сылдьыбыт. 1998 сылтан «Кылыыҥкай» диэн ааттанан ансамбль буолбут, билигин эдэр ыччаттар үөрэ-көтө үҥкүүлүү сылдьаллар.
Ылбаҕай ырыанан имигэс, кэрэ хамнаныылар киһи болҕомтотун тутатына тардан, киһи кутун- сүрүн көтөҕүллэрин көрөр бу аан дойдуга туохха да тэҥнэспэт күндү буоларын бу үҥкүү түһүлгэтигэр сылдьан, илэ харахпынан көрөн, кулгаахпынан истэн өйдөөтүм.
Үҥкүүнү таптааҥ, үҥкүүгэ сүгүрүйүҥ! «Кылыыҥкай» үҥкүү бөлөҕө, өссө да үүнэ сайда тур!
Гаврил ПРОКОПЬЕВ, VIII кылаас, Төҥүлү, Мэҥэ Хаҥалас