Бэҕэһээ муус устар 16 күнүгэр Харбалаахтааҕы үөрэхтээһин хобоһугар Улуу Кыайыы 80 сыллаах үрдүк үбүлүөйүнэн «Кыайыыны уһансыбыт аҕа саастаах көлүөнэҕэ сүгүрүйэбит!” диэн улахан ааҕыылар буоллулар. Бу ааҕыыларга маҥнайгы кылаас үөрэнээччититтэн саҕалаан оскуола бары үөрэнээччилэрэ кылаастарын иһинэн Аҕа дойду сэриитигэр кыттыбыт бэтэрээн, тыыл ыарахан үлэтин сүкпүт, сэрии оҕолоро дьылҕалаах аймахтарын туһунан дакылаат суруйан, иһитиннэрии оҥордулар.
Бастаан ааҕыылар үөрүүлээх чаастара актаабай саалаҕа олус үрдүк таһымҥа ыытылынна. Тэрээһини салайан ыыппыт онус кылаас үөрэнээччилэрэ Эмилия Федорова, Миша Спиридонов чуор куоластарынан тэрээһиҥҥэ сыһыаннаах хоһооннорунан арыйдылар. Онтон үрдүк сыанаҕа ытыктабыллаах ыалдьыттарбытын ыҥыран таһааран олортулар. Бу тэрээһиммитигэр нэһилиэкпитигэр олорор сэрии сылын оҕолоро, үлэ бэтэрээннэрэ:
Теряков В. Д.,
Дайбаннырова П.К,
Малышев В. В., Малышева Л.М,
Уваров А.И,
Уварова М.Л,
Сорова Г.Г,
Дедюкина Г. П,
Туласынов А.Н, Данилова
З.Н. күндү ыалдьыт буоллулар. Холбоһук директора Л.А. Афанасьева ыалдьыттарбытын кэлэн иһэр Кыайыы 80 сыллаах үбүлүөйүнэн эҕэрдэлээтэ уонна Махтал суругу кытта тыыннаах сибэкки дьөрбөтүн туттартаата.
Ол кэнниттэн кылаастарынан тарҕаһан, ыалдьыт бэтэрээннэрбитин чиэстээтибит. Үөрэнээччилэр бэлэмнээбит дакылааттарын кэпсээтилэр, улуу Кыайыыны уһансыбыт аймах дьоннорун истиҥник иһирэхтик аҕыннылар.
Ити курдук, улуу үбүлүөйгэ аналлаах өр бэлэмнэммит тэрээһиммит барыбытын биир санааҕа түмтэ.
Сардана Кулачикова, 8 кылаас үөрэнээччитэ, Харбалаахтааҕы үөрэхтээһин холбоһуга.