Икки сыл анараа өттүгэр, 2022 сыллаахха, олунньу 24 күнүгэр Россия Президенэ Владимир Владимирович Путин Украинаҕа анал байыаннай дьайыы саҕаламмытын туһунан иһитиннэрбитэ.
Элбэх эр киһи баҕа өттүнэн баран, Арассыыйа араас муннугуттан кэлбит байыаннайдары кытта бииргэ дойдубутун көмүскүүллэр. Кинилэртэн хаалбакка, Кэбээйи оройуонун баһылыга Иван Иванович Левин «Боотур» диэн баҕа өттүнэн байыаннай дьайыыга барар эр дьон этэрээтин састаабыгар киирэн, Ийэ дойдуну көмүскүү сылдьар.
Биһиги улууспут баһылыга Иван Иванович Левин , бэйэтин холобурунан, эр санаатынан дьиҥнээх дойдунаат буоларын көрдөрөр. Эдэр көлүөнэ биһиги ыраахтан долгуйабыт уонна кининэн киэн туттабыт. Кини хорсунун уонна халбаҥнаабат тулуурун көрдөрүө дии саныыбыт.
Иван Иванович бэйэтин быһаарыныытынан эдэр ыччакка үтүө холобур көрдөрөр.
Сандаара СОФРОНЕЕВА, 9 кылаас,
«Дьоҕур» медиакиин, Кэбээйи орто оскуолата