Улуу Кыайыы 80 сылыгар аналлаах «Кыайыы Знамята» өрөспүүбүлүкэтээҕи эстафета олунньу 19 күнүгэр Ньурба улууһугар кэллэ. Үөһээ Бүлүү уонна Ньурба улуустарын кыраныыссатыгар, Түүкээҥҥэ, «Кыайыы Знамятын» эстафетата үөрүүлээх быһыыга-майгыга туттарылынна.
Акана, Хаҥалас, Түмүк нэһилиэктэрэ кыттыылаах Үөдэйгэ, Дьаархан кыттыылаах Түмүк, Хорула кыттыылаах Таркаайы нэһилиэктэригэр көрүстүлэр.
Түмүк нэһилиэгэр Ньурбатааҕы техникумҥа Маар, Дьаархан олохтоохторо көрүстүлэр.
Үгүс ыар сүтүгүнэн кэлбит Улуу Кыайыыбыт Знамята кэлбитинэн эҕэрдэ тылы Түмүк нэһилиэгин баһылыга Дмитрий Николаевич Егоров, Ньурба улууһун аҕа баһылыгын солбуйааччыта Валерия Гаврильевна Владимирова, улуус бэтэрээннэрин Сэбиэтин бэрэссэдээтэлэ Олесова Татьяна Прокопьевна Олесова, Түмүк нэһилиэгин бочуоттаах олохтооҕо Николай Ильич Николаев эттилэр.
Бу дьоро күҥҥэ Аҕа дойду Улуу сэриитин, Кыайыы күнүн туһунан ырыа ылланна, Кыайыыны уһансыбыт дьоммут үтүө ааттарыгар үтүмэн тыл этилиннэ. Бу төрөөбүт дойдуга тапталы туоһулуур Улуу Кыайыыбыт историятын салгыы тутан хаалар үүнэр ыччаппыт – Маар орто оскуолатын, Ньурба техникумун үөрэнээччилэрэ буоллулар.
Сайнаара Иванова, 9 кыл. үөрэнээччитэ.
Видео: Авдей Неустроев, Маар орто оскуолатын 9 кыл. үөрэнээччитэ.
Маар орто оскуолатын «Юла» медиакиинэ.
keskil14.ru