Байаҕантай нэһилиэгэр Улуу Кыайыы 80 сылын көрсө Кыайыы Знамята күөрэйдэ. Знамяны М.Н. Готовцев аатынан Танда орто оскуолатын быйылгы выпускниктара, байыаннай-патриотическай кулууп чилиэннэрэ Михаил Софронов, Арсен Готовцев көтөхтүлэр.
Эҕэрдэ тылы Москва куорат көмүскэлин кыттыылааҕа, Аҕа дойду Улуу сэриитин 2 степеннээх уордьанын кавалера, «Хорсунун иһин» мэтээллээх Михаил Иванович Вензель төрөппүт кыыһа Мария Михайловна Федорова эттэ.
Бу күн «Өйдүүбүт, сүгүрүйэбит, ААҔАБЫТ!» диэн Улуу Кыайыы, сэрии туһунан айымньылары ааҕыы чааһыгар оҕо саадын, оскуола оҕолоро, «Уран тыл алыба» литературнай түмсүү кыттыыны ыллылар.
КИМ ДА УМНУЛЛУБАТ! ТУОХ ДА УМНУЛЛУБАТ!
Туйаара МАМОНТОВА, IX кылаас,
М.Н. Готовцев аатынан Танда орто оскуолата, Уус Алдан
Ааптар хаартыскалара, видеота