Бу күннэргэ Сахабыт сириттэн Улуу Кыайыы 77 сылын көрсө, Саха Өрөспүүбүлүкэтэ төрүттэммитэ 100 сылыгар уонна Ийэ сылын чэрчитинэн IV чэпчэки атлетика дьахталлар сүүмэрдэммит хамаандата ахсыалар буолан ТВЕРЬ-РЖЕВ-ВЯЗЬМА-БРЯНСК куораттарынан Кыайыы факелын тутан сүүрэллэр.
Тохтообут куораттарыгар оскуолаҕа, оҕо кииннэригэр оҕолору кытта көрсөллөр. Бэлиэтээн этэллэринэн, эдэр ыччат наһаа соһуйар үһү. Саха сирин туһунан ыйыталлар, Дьоруойдарын, сэриини, билиҥҥини.
Саха сирин чулуу уола, Герой Федор Охлопков көмүллүбүт сиригэр өссө биир саха саллаатын аатын булбуттар. Хамаанданы экстремал-сүүрүк, чөл олох түсчүтэ, СӨ физическэй култуураҕа үтүөлээх үлэһитэ, факелоносец Дмитрий Горохов салайар.
Сүүрүк кыргыттар уопсайа 700 км бардылар. Бу чахчы хорсун уонна дьоһун быһыы. Маны сэргэ кинилэр Герой-куораттарга тохтоон, кытыастар Кыайыы уотун өйдөбүнньүк пааматынньыктарыгар тохтотон ааһаллар.
Бу бырайыак Арассыыйа үрдүнэн барар уонна СӨ Бырабыыталыстыбата, Ил Түмэн өйөбүлүнэн сүрүннэнэр .
Татьяна ЖИРКОВА, суруналыыс.