Бэс ыйын 22 күнэ — Аҕа Дойдуну көмүскүүр Улуу сэрии саҕаламмыт күнэ. Бу күн Кыайыы скверигэр лааҕырбыт оҕолоро сылдьан Ийэ Дойдуларын көмүскүү барбыт биир дойдулаахтарбыт, биһиги эйэлээх олохпут туһугар тыыннарын толук уурбут ытык дьоммутун кэриэстээн, санаан сүгүрүйэн кэллилэр.
«Пилот» этэрээт салайааччыта Владимир Владимирович Иванов оҕолорго кылгастык Аҕа Дойду Улуу сэриитин историятыттан билиһиннэрдэ. Сэрии уоттаах сылларыгар төрөөбүт колхозтарыгар хаалбыт эйэ туһугар түүннэри-күнүстэри үлэлээбит дьоммутун, оҕолор хос эһэлэрин, эбэлэрин туһунан билэн үөрэтэллэригэр, кинилэр үтүө холобурдарын үйэтитэллэригэр сүбэлээтэ.
Кыайыы пааматынньыгын иннигэр биир мүнүүтэ чуумпуран сэрии ыар сылларыгар хорсун быһыыларын кэриэстээн, ытыктаан турдулар. Кэриэстэбил тэрээһинэ уопсай хаартыскаҕа түһүүнэн түмүктэннэ.
Н.И. Семенова, «Сайдыс» оҕо сынньалаҥ лааҕыра, Нам улууһа.