От ыйын 17 күнүгэр «Разработка и оптимизация газогенератора: создание и моделирование» хайысха үөрэнээччилэрэ гаражка тахсан үлэлээтилэр. Бүгүҥҥү дьарыкка оҕолор баллону болгарканан хайдах быһары көрдүлэр.
Хамаанда салайааччыта Евгений Федорович Боякинов болгарканан үлэлиир сэрэхтээҕин оҕолорго өйдөттө уонна маннык суолталаах түгэннэри бэлиэтээтэ:
- Таҥас-сап: тимир кыырпаҕа, уот кыыма – бу барыта киһи хараҕын эчэтиэн сөп. Онон, хайаан да хараҕы көмүскүүр ачыкы кэтиллиэхтээх;
- Үлэни саҕалыах иннинэ үлэлиир сиргэ түргэнник умайар эттиктэр, матырыйааллар (холобур, бензин, арыы, мас, кумааҕы уо.д.а.) суох буолуохтаахтар;
Маны таһынан, Евгений Федорович Боякинов диискэлэр араастарын уонна диискэ эргимтэтэ болгарка кээмэйигэр сөп түбэһиэхтээҕин кэпсээтэ. Оҕолор бары болҕойон көрдүлэр, иһиттилэр уонна газогенератор хомуйалларын долгуйа күүтэллэр.
Сандаара Егорова, С.П. Данилов аатынан Бэрдьигэстээх орто оскуолата,
«Кэскил» оҕо пресс-киинин эдкора
keskil14.ru