Сунтаар улууһун А.А. Иванов-Күндэ аатынан Кутана орто оскуолатыгар Ааҕыы сылын чэрчитинэн 2022 сыл устата ааҕыыга араас бырайыактар үлэлээтилэр. Көҕүлээччилэринэн оскуола библиотеката (И.Н. Третьякова), тыл холбоһугун учууталлара (сал. А.И. Андреева) буолаллар.
Сыл устата 1-4 кылаастарга кылааһынан ааҕыы, ааҕааччы дневнигин толоруу ыытыллыбыта. Бастыҥ ааҕааччыларынан 4 кылаас (Е.И. Захарова) уонна 3 кылаас (В.Н. Федорова) ааттаннылар.
5-11 кылаастарга бастыҥ ааҕааччыга оскуола директора Владимир Николаевич Архипов грант туттарарын биллэрбитэ. Сыл түмүгүнэн «Бастыҥ ааҕааччы» аатын 11 кылаас үөрэнээччитэ Кэскилээнэ Куприянова ылла, онон директор гранын тутта. Тыл учууталларын бириэмийэлэрин Александра Иванова (9 кыл.), Вова Максимов (9 кыл.), Аурика Фокинова (5 кыл.), Алла Иванова (6 кыл.) ыллылар.
Бастыҥ ааҕааччы оҕолорго Чысхаан бэлэҕин туттардыбыт (спонсор — Архангельская Анастасия Александровна). Онтон дьиэ кэргэнинэн ааҕыыга Андрей Карлович Иванов, Анастасия Прокопьевна Голикова дьиэ кэргэнэ бастаатылар, грамотанан, тыл учууталларын аатыттан бэлэҕинэн наҕараадаланнылар.
Бары кыайбыт ааҕааччыларга Ааҕыы сылыгар куонкуруска кыттыбыттарын туоһутун грамоталары оскуола директора В.Н. Архипов туттарда.
«Кутана кыымнара» эдкор пост.