Кулун тутар 2 күнүгэр Эбээн-Бытантай национальнай улууһун Кустуур нэһилиэгэр бу күннэргэ Кытайга Янцзы куоракка айар талааннаах оҕолор бэстибээллэригэр ырыаҕа уонна фольклорга кытта барар «Ритмы Дружбы» ансаамбыл оҕолорун өйүүр уонна харчынан көмөлөһөр сыаллаах аһымал кэнсиэр буолан ааста.
Кытайга барар оҕолорбут хас биирдии нүөмэрдэрин олус үчүгэйдик толорон, бэйэлэрин нүөмэрдэрин көрөөччүлэргэ ууннулар. Саала иһэ ытыс тыаһынан хабылла туолла. Маны таһынан, оҕолору өйөөн, учууталларбыт эмиэ тахсан эҕэрдэ нүөмэрдэрин бэлэхтээтилэр. Кэнсиэр олус тэрээһиннээхтик, хас биирдии нүөмэр итэҕэтиилээхтик арыллан, барыбытыгар үөрүүнү эрэ бэлэхтээтэ. Көрөөччүлэрбит саҥа сулустары наһаа истиҥник көрүстүлэр.
Оҕолорбут этэҥҥэ сылдьан, ситиһии үктэллээх кэлиэхтэрэ диэн эрэнэбит.
Вова Попов, «Биракчаан» медиакиин, Кустуур орто оскуолата.
keskil14.ru