Наташа Горохова, Эбээн-Бытантай национальнай улууһун И.Н.Слепцов аатынан Кустуур агропрофилированнай орто оскуолатын 11 кылааһын үөрэнээччитэ, «Чулбаня һөҥкөс» (зеленый можжевельник) диэн кыһыҥҥы оранжерея тутуутун бырайыагынан Россиятааҕы, норуоттар икки ардыларынааҕы кэтэхтэн куонкурустарга үрдүк ситиһиилэннэ.
Мин алын сүһүөх кылаастан саҕалаан араас күрэхтэргэ, куонкурустарга, научнай кэмпириэнсийэлэргэ кыттан, син элбэх ситиһиилээх үөрэхпин үчүгэй түмүктэрдээх бүтэрэн эрэбин.
Үрдүк таһымнаах Россиятааҕы күрэххэ, бастакы ситиһиигэ аҕалбыт бырайыак- үлэбин маҥнайгы хардыытын, бырайыагым идиэйэтин биэрбит, саҕалааччы киһинэн учууталым Валентина Николаевна Колесова буолбута. Кини «бу үлэни сайыннаран, үлэлэһиҥ” диэн биэрбитэ. Онон бастакы хардыыбытын «Инникигэ хардыы» оскуолатаа5ы кэмпириэнсийэҕэ физика учуутала салайааччым Нарыяна Анатольевна Колесова көмөтүнэн кыттыбытым, хомойуох иһин, үлэм ситэтэ суоҕунан быһаарыллан, салгыы барбатаҕа. Оскуолабыт дириэктэрэ Анна Егоровна Никитинаттан үлэбитин салгыы сайыннарарга этии киирэн, санаабыт көтөҕүллэн, үлэбитин сайыннарбыппыт, үчүгэйдик илдьиритэн, суоттаан- оросчуоттаан оҥорон, быйыл кэтэхтэн үрдүк таһымнаах күрэххэ быһа кыттарга холонон ыппыппыт.
Үс араас күрэххэ кыттыым үчүгэй түмүктэри көрдөрөн, үөрүүм үгүс. Ол курдук: Россиятааҕы чинчийэр үлэлэр «Талант, Наука, Интеллект. 2020», Россиятааҕы бырайыактары көрүү «Проекториум», норуоттар икки ардыларынааҕы айар «Олимп успеха-2020» куонкурустарыгар кыттан, үлэлэрим барытыгар ситиһиилээх 2 миэстэни ыллылар.
Үлэм туһунан кэпсээтэххэ, «Чулбаня һөҥкөс» (зеленый можжевельник) диэн кыһыҥҥы (зимняя) оранжерея бырайыага буолар. Мин эбээн омук төрүттэрдээх буолан уонна национальнай улууска олорорум быһыытынан, оранжерея быһыыта көс эбээннэр ураһаларын быһыылаах буолбута. 8 м усталаах, төгүрүк быһыылаах буолуохтаах. Оскуолабыт агропрофильнай буолан, идиэйэтэ олоҕурбута. Бу бырайыак толоххо киирдэҕинэ, манна араас үүнээйилэр кыһыннары –сайыннары чэлгийэ үүнүөхтээхтэр. Бу үлэбинэн өссө да араас күрэхтэргэ кыттыам, олоххо киллэрэргэ үлэлэһиэм диэн баҕалаахпын.
Бу маннык бырайыагы биһиги улууспутугар оҕолортон мин бастакы саҕалаан кыттыым миигин үөрдэр, инникитин атын да оҕолор араас үлэнэн кыттан, улууспутун, нэһилиэктэрбитин сайыннарыахпыт диэн эрэнэбин.
Мин, бу улахан үлэбин саҕалыырбар идиэйэтин биэрбит, күүс-көмө буолбут салайааччыларбар улахан махталбын тиэрдэбин. Үлэлэригэр үрдүк ситиһиилэри, дьолу баҕарабын!