Кулун тутар 27 күнүгэр Кустуур орто оскуолатын «Бытантай» хамаандата «Зарница 2.0» байыаннай-патриотическай оонньуу муниципальнай түһүмэҕэр кытынныбыт.
Үс састааптаах дьүүллүүр сүбэ улэлээтэ: физкультура учууталлара — И.И. Горохов, В.А. Попов уонна медфельдшер Н.И. Колесова. Уопсайа 2 кыыс, 8 уол кытынна.
Бастакы түһүмэххэ строевая подготовка буолла. 8 кылаас үөрэнээччитэ Проня хамандыырынан ананна. Иккис түһүмэххэ военкордар күрэхтэрэ буолла, манна кыттааччылар ыйытыыларга хоруйдаатылар. Үһүс түһүмэх — байыаннай эстафета. Төрдүскэ — сыалы ытыы, олорон, туран ыытылынна. Хоту оҕолоро буолалларын быһыытынан, бары да үчүгэйдик сыалы ыттылар. Бэһис түһүмэххэ ГТО, ОЗК, кросс ыытылынна. Бу түһүмэх эмиэ олус түргэнник ааста. 6 этап семафорнай азбука күрэҕэр икки оҕо кытынна. Сэттис түһүмэххэ хамандыырбыт кытынна, кини знак ис хоһоонун быһаарда. Ахсыс түһүмэххэ тактическай медицина кыһыл зонаттан бааһырбыт киһини соһон таһаардылар. Бары да түһүмэхтэр өрө күүрүүлээхтик аастылар.
Бу курдук ис хоһоонноох күрэх Ийэ дойдуну көмүскүүргэ, эт-хаан өттүнэн чэгиэн, түмсүүлээх-бэриниилээх буоларга иитэллэр-үөрэтэллэр.
Витя СЫРОМЯТНИКОВ,
Кустуур орто оскуолатын 8 кылааһын үөрэнээччитэ, «Биракчаан» медиа-киин юнкора.
Кэскил14.ру